ناس كتير بتسأل السؤال ده بس مش بتلاقي إجابة واضحة… هل أستحمل؟ ولا أمشي؟
في الفيديو ده، اتكلمت عن العلامات اللي لو شفتها كميديا باير، لازم تعيد التفكير فورًا في استمرارك مع الشركة.
الفيديو مش عشان أذم في شركات، بالعكس، كل تجربة شغل بتعلمك… بس فيه حالات معينة الاستمرار بيكون فيها ضرر أكتر من فايدة.
لو انت شغال في مجال الميديا باينج، أو بتفكر تبدأ في التسويق الرقمي، أو بتدور على شغل يقدّر مهاراتك، المقال ده هيفيدك جدًا.
1. لما تحس إنك مرتاح بزيادة
أكتر حاجة بتقتل التطور إنك تكون “مرتاح بزيادة”.
لما اليوم بيعدي زي مبارح وبكره، مفيش تحدي، مفيش growth… بتدخل في مرحلة ركود من غير ما تحس.
فيه فرق كبير بين الراحة اللي بتديك استقرار… والراحة اللي بتخليك كسول وغير مؤهل لأي خطوة جديدة.
مثال؟ حد فضل 3 سنين بيعمل نفس المهام، ولما الشركة استغنت عنه، ماكنش عنده أي حاجة جديدة يقدّمها أو skills تطوره.
2. لما تبقى مجرد حد بينفذ أوامر بدون قرار منك
لو الشركة بتتعامل معاك كأنك مجرد واحد بيضغط زرار…
بتنفذ من غير ما تفكر، وقراراتك كلها جاية من فوق، ومفيش مساحة للتجربة أو الإبداع…
ساعتها، انت مش ميديا باير فعلي… انت مجرد موظف بيأدي اللي مطلوب من غير ما يضيف قيمة.
وده أخطر من الفشل، لأنه بيقتل فيك الشخصية اللي المفروض تتطور وتبني كاريير حقيقي في الميديا باينج.
3. سوء الإدارة بيأثر على مستقبلك
في شركات كتير فيها مشاكل إدارية، بس اللي بيضرك فعلاً هو:
– لما مفيش نظام واضح للترقي أو التقييم
– لما الشركة تبقى بتحاسبك على كل دقيقة تأخير… ومش بتكافئك على مجهود إضافي
– لما تحس إن التقييم والزيادات بتمشي بالصدفة أو بالحب
في الحالة دي، حتى لو بتتعب، صعب تحس إنك بتتقدم.
لأنك مش شايف طريق واضح، ومفيش feedback حقيقي ولا خطة تطوير.
طيب… لو قررت تمشي، تعمل إيه؟
✅ حضّر نفسك كويس… يكون عندك Emergency Fund تعيش بيه على الأقل ٣ شهور
✅ طول ما انت شغال، وسّع شبكة علاقاتك وشوف فرص تانية
✅ اعرف قيمتك في السوق، وده مش هيحصل غير لو دايمًا بتقارن، وبتتعلم، وبتتطور
لو أنت في المجال أو عايز تبدأ فيه:
الميديا باينج مش مجرد شغل Ads… ده مجال فيه تفكير، تحليل، استراتيجيات، شغل داتا، وذكاء حقيقي
ولو عايز تبدأ بداية صح، فيه كورس ميديا باينج هيكون متوفر قريب على موقعي، هيجمع كل الخبرات اللي محتاجها علشان تدخل المجال بثقة وتبني كاريير محترم في التسويق الرقمي.
📌 لو عايز تبدأ أول كامبين ليك على Snapchat Ads وتاخد بونص 375 دولار:
استخدم اللينك ده👇
https://try.snap-partner.com/abdallah
📺 شوف الفيديو على اليوتيوب:
[رابط الفيديو]
🌐 زور موقعي لمتابعة جديدي وكورس الميديا باينج:
abdallahusama.com
👥 وانضم لجروب الفيسبوك عشان تتابع كل حاجة جديدة وتسأل أي سؤال يخص الميديا باينج أو التسويق الرقمي:
رابط الجروب
